0:00
/
1ܘܓ̰ܘܼܘܸܒܠܹܗ ܝܼܫܘܿܥ ܘܗܘܼܡܙܸܡܠܹܗ ܡܸܢَܕܪܸܫَ ܒܡܵܣܵܠܹ̈ܐ ܐܸܠܵܝܗܝ: ܘܐَܡܝܼܪܹܗ. 2ܟܹܐ ܦܵܝܫܵܐ ܕܘܼܡܝܼܬܵܐ ܡܲܠܟܘܼܬܵܐ ܕܫܡܲܝܵܐ ܠܐ݇ܢܵܫܵܐ ܡܲܠܟܵܐ ܕܥܒܸܕܠܹܗ ܚܠܘܼܠܵܐ ܩܵܐ ܒܪܘܿܢܹܗ. 3ܘܫܘܼܕܸܪܹܗ ܠܪܹ̈ܓܵܘܵܬܘܼܗܝ ܕܩܵܪܝܼ ܠܟ̰ܝܼܕܹ̈ܐ ܠܚܠܘܼܠܵܐ: ܘܠܵܐ ܒܣܸܡܠܵܐ ܠܗ݇ܘܿܢ ܠܹܐܬܵܝܵܐ. 4ܘܡܸܢَܕܪܸܫَ ܫܘܼܕܸܪܹܗ ܪܹ̈ܓܵܘܵܬܹܐ ܐ݇ܚܹܪ̈݇ܢܹܐ: ܘܐَܡܝܼܪܹܗ: ܐَܡܘܿܪܘܼܢ ܠܟ̰ܝܼܕܹ̈ܐ: ܗܵܐ: ܫܵܪܘܼܬܝܼ ܗܘܼܕܪܵܐ ܝܘܸܢ: ܘܬܵܘܪܝܼ ܘܛܪ̈ܝܼܨܝܼ ܩܛܝܼܠܹܐ ܝܢܵܐ: ܘܟܠ ܡܸܢܕܝܼ ܗܘܼܕܪܵܐ ܝܠܹܗ: ܬܹܐܡܘܿܢ ܠܚܠܘܼܠܵܐ. 5ܐܸܠܵܐ ܐܵܢܝܼ ܡܘܼܣܠܹܐܠܗܘܿܢ ܘܐَܙܸܠܗܘܿܢ: ܐܝܼܬ ܗ݇ܘܵܐ ܕܠܚܲܩܠܹܗ: ܘܐܝܼܬ ܗ݇ܘܵܐ ܕܠܬܵܓ̰ܝܼܪܘܼܬܹܗ. 6ܘܐܵܢܝܼ ܐ݇ܚܹܪ̈݇ܢܹܐ ܕܒܸܩܠܗܘܿܢ ܠܪܹ̈ܓܵܘܵܬܘܼܗܝ: ܘܥܒܸܕܠܗܘܿܢ ܒܹܨܘܼܪ ܘܩܛܸܠܗܘܿܢ ܐܸܠܵܝܗܝ. 7ܐܝܼܢܵܐ ܡܲܠܟܵܐ ܟܪܸܒ̇ܠܹܗ: ܘܫܘܼܕܸܪܹܗ ܥܲܣܟܵܪ̈ܵܘܵܬܹܗ ܬܘܼܠܸܩܠܹܗ ܠܐܵܢܝܼ ܩܵܛܘܿܠܹ̈ܐ: ܘܠܡܕܝܼܢَܬܵܝܗܝ ܡܘܼܩܸܕܠܹܗ. 8ܗ̇ܝܓܵܗ ܐَܡܝܼܪܹܗ ܠܪܹ̈ܓܵܘܵܬܘܼܗܝ: ܚܠܘܼܠܵܐ ܗܘܼܕܪܵܐ ܝܠܹܗ: ܘܐܵܢܝܼ ܕܝܼܗ݇ܘܵܘ ܟ̰ܝܼܕܹ̈ܐ ܠܹܐ ܚܵܫܚܝܼ ܗ݇ܘܵܘ. 9ܙܹܠَܡܘܿܢ ܗܲܕܟ̣ܵܐ ܠܦܠܵܛܹ̈ܐ ܕܐܘܼܪ̈ܚܵܬܹܐ: ܘܟܠ ܡ̇ܢ ܕܡܲܫَܟ̰ܚܝܼܬܘܿܢ ܩܪܹܝܡܘܿܢ ܠܚܠܘܼܠܵܐ. 10ܘܦܠܸܛܠܗܘܿܢ ܐܵܢܝܼ ܪܹ̈ܓܵܘܵܬܹܐ ܠܐܘܼܪ̈ܚܵܬܹܐ: ܘܓ̰ܘܼܡܸܥܠܗܘܿܢ ܟܠ ܕܡܘܼܫَܟ̰ܸܚܠܗܘܿܢ: ܐܘܼܦ ܒܝܼܫܹ̈ܐ ܘܛܵܒܹ̈ܐ: ܘܦܝܼܫܠܹܗ ܡܸܠܝܵܐ ܒܹܝܬ ܚܠܘܼܠܵܐ ܡ̣ܢ ܐܲܪ̈ܚܹܐ. 11ܘܟܲܕ ܥܒܼܸܪܹܗ ܡܲܠܟܵܐ ܕܚܵܙܹܐ ܗ݇ܘܵܐ ܠܐܲܪ̈ܚܹܐ: ܚܙܹܐܠܹܗ ܬܵܡܵܐ ܐ݇ܢܵܫܵܐ ܕܠܹܐ ܗ݇ܘܵܐ ܠܒ̣ܝܼܫܵܐ ܠܒܸܫܬܵܐ ܕܚܠܘܼܠܵܐ. 12ܘܐَܡܝܼܪܹܗ ܐܸܠܹܗ: ܚܲܒ̣ܪܝܼ: ܕܵܐܟ̣ܝܼ ܥܒܼܸܪܘܼܟܼ ܠܲܐܟ̣ܵܐ: ܟܲܕ ܠܒܸܫܬܵܐ ܕܚܠܘܼܠܵܐ ܠܲܝܬ ܠܘܼܟܼ: ܐܝܼܢܵܐ ܗ̇ܘ ܫܬܸܩܠܹܗ. 13ܗ̇ܝܓܵܗ ܐَܡܝܼܪܹܗ ܡܲܠܟܵܐ ܠܚܸܠܡܲܬܟܵܪܹ̈ܐ: ܐَܣܘܿܪܘܿܢ ܐܝܼܕܘܼ̈ܗܝ ܘܐܲܩܠܘܼ̈ܗܝ: ܘܦܵܠܛܘܿܢ ܠܹܗ ܠܚܸܫܟܵܐ ܒܲܪܵܝܵܐ: ܬܵܡܵܐ ܒܸܬ ܗܵܘܹܐ ܒܸܟ̣ܝܵܐ ܘܚܲܪܚܲܟ̰ܬܵܐ ܕܟܹܟܹ̈ܐ. 14ܣܵܒܵܒ ܕܪܵܒܵܐ ܝܢܵܐ ܩܸܪ̈ܝܹܐ ܘܚܲܕَܟ̰ܵܐ ܝܢܵܐ ܓܘܼܒ̇ܝܹ̈ܐ. 15ܗ̇ܝܓܵܗ ܐَܙܸܠܗܘܿܢ ܦܪ̈ܝܼܫܹܐ ܘܥܒܸܕܠܗܘܿܢ ܪܵܐܝܝܼ ܕܵܐܟ̣ܝܼ ܕܨܵܝܕܝܼ ܗ݇ܘܵܘ ܠܹܗ ܒܗܲܡܙܲܡܬܵܐ. 16ܘܫܘܼܕܸܪܗܘܿܢ ܠܟܸܣܠܹܗ ܬܲܠܡܝܼܕܵܝ̈ܗܝ ܥܲܡ ܕܒܹܝܬ ܗܹܪܘܿܕܸܣ: ܘܐܵܡܪܝܼ ܐܸܠܹܗ: ܡܲܠܦܵܢܵܐ: ܒܝܼܕܵܥܝܵܐ ܝܘܵܚ ܕܣܲܪܲܣܬ ܝܘܸܬ: ܘܐܘܼܪܚܵܐ ܕܐܲܠܵܗܵܐ ܒܣܲܪܲܣܬܘܼܬܵܐ ܡܵܠܘܿܦܹܐ ܝܘܸܬ: ܘܠܲܝܬ ܠܘܼܟܼ ܚܲܡ ܠܐ݇ܢܵܫܵܐ: ܣܵܒܵܒ ܠܹܐ ܚܵܝܪܸܬ ܠܦܵܬܵܐ ܕܐ݇ܢܵܫܵܐ. 17ܒܲܣ ܐَܡܘܿܪ ܐܸܠܲܢ: ܕܵܐܟ̣ܝܼ ܒܸܚܫܵܒ̣ܵܐ ܝܘܸܬ: ܒܕܲܣܬܘܼܪ ܝ݇ܠܵܗ̇ ܠܝܼܵܗَܒ̣ܵܐ ܚܲܪܓ̰ ܕܪܹܫܵܐ ܠܩܹܣܲܪ: ܝܲܢ ܠܵܐ. 18ܐܝܼܢܵܐ ܝܼܫܘܿܥ ܝܕܸܥܠܹܗ ܒܝܼܫܘܼܬܵܝܗܝ: ܘܐَܡܝܼܪܹܗ: ܩܵܡܘܿܕܝܼ ܓ̰ܵܪܘܿܒܹܐ ܝܬܘܿܢ ܐܸܠܝܼ: ܢܵܣܒܲܝ̈ ܒܐܲܦܹ̈ܐ. 19ܡܲܚܙܹܝܡܘܿܢ ܠܝܼ ܙܘܼܙܵܐ ܕܚܲܪܓ̰: ܘܐܵܢܝܼ ܡܘܼܬَܝܹܠܗܘܿܢ ܠܟܸܣܠܹܗ ܕܸܝܢܵܪܵܐ. 20ܘܐَܡܝܼܪܹܗ ܐܸܠܵܝܗܝ: ܕܡܵܢܝܼ ܝܠܹܗ ܐܵܗܵܐ ܫܸܟܠܵܐ ܘܣܸܟܵܐ. 21ܐܵܡܪܝܼ: ܕܩܹܣܲܪ ܗ̇ܝܓܵܗ ܐَܡܝܼܪܹܗ ܐܸܠܵܝܗܝ: ܗܲܒَܠܗܘܿܢ ܗܲܕܟ̣ܵܐ ܕܩܹܣܲܪ ܠܩܹܣܲܪ: ܘܕܲܐܠܵܗܵܐ ܠܐܲܠܵܗܵܐ. 22ܘܟܲܕ ܫܡܸܥܠܗَܘܿܢ: ܥܘܼܓ̰ܸܒܠܗܘܿܢ: ܘܫܒܸܩܠܗܘܿܢ ܐܸܠܹܗ ܘܐَܙܸܠܗܘܿܢ. 23ܒܗ̇ܘ ܝܵܘܡܵܐ ܐ݇ܬܹܐܠܗܘܿܢ ܠܟܸܣܠܹܗ ܙܲܕܘܼܩܵܝܹ̈ܐ: ܐܵܢܝܼ ܕܟܹܐ ܐܵܡܪܝܼ ܠܲܝܬ ܩܝܵܡܬܵܐ: ܘܒܘܼܩܸܪܗܘܿܢ ܡܸܢܹܗ. 24ܒܹܐܡܵܪܵܐ: ܡܲܠܦܵܢܵܐ: ܡܘܼܫܹܐ ܐَܡܝܼܪܹܗ ܐܸܠܲܢ: ܕܐܸܢ ܐ݇ܢܵܫܵܐ ܡܵܝܸܬ ܟܲܕ ܠܲܝܬ ܠܹܗ ܒܢܘܿܢܹ̈ܐ: ܫܵܩܸܠ ܐܵܚܘܿܢܘܼܗܝ ܒܲܟ̣ܬܹܗ: ܘܡܲܩܸܡ ܙܲܪܥܵܐ ܠܐܵܚܘܿܢܘܼܗܝ. 25ܐܵܕܝܼܵܐ ܐܝܼܬ ܗ݇ܘܵܘ ܠܟܸܣܠܲܢ ܫܲܒ̣ܥܵܐ ܐܵܚܘܿܢܘܵܬܹ̈ܐ. ܩܵܕَܡܵܝܹܐ ܓܒܸܪܹܗ ܒܲܟ̣ܬܵܐ ܘܡܝܼܬܠܹܗ: ܘܕܠܲܝܬ ܗ݇ܘܵܐ ܠܹܗ ܙܲܪܥܵܐ: ܫܒ̣ܝܼܩܵܐܠܹܗ ܒܲܟ̣ܬܹܗ ܠܐܵܚܘܿܢܘܼܗܝ. 26ܗܲܕܟ̣ܵܐ ܐܘܼܦ ܗ̇ܘ ܕܬܪܹܝ: ܐܘܼܦ ܗ̇ܘ ܕܬܠܵܬَܐ: ܘܗܲܠ ܫܲܒܥܲܢܬܵܝܗܝ. 27ܐܝܼܢܵܐ ܒܐَܚܲܪܬܵܐ ܕܟܠܵܝܗܝ ܡܝܼܬܠܗܘܿܢ: ܐܘܼܦ ܗ̇ܝ ܒܲܟ̣ܬܵܐ ܡܝܼܬܠܵܗ̇. 28ܒܩܝܵܡܬܵܐ ܗܲܕܟ̣ܵܐ ܠܐܲܝܢܝܼ ܡ̣ܢ ܕܐܲܢܹܐ ܫܲܒ̣ܥܵܐ ܒܸܬ ܗܵܘܝܵܐ ܒܲܟ̣ܬܵܐ: ܣܵܒܵܒ ܕܟܠܵܝܗܝ ܓܒ̣ܝܼܪܵܠܗܘܿܢ. 29ܐܝܼܢܵܐ ܓ̰ܘܼܘܸܒܠܹܗ ܝܼܫܘܿܥ ܘܐَܡܝܼܪܹܗ ܐܸܠܵܝܗܝ: ܒܸܚܠܵܛܵܐ ܝܬܘܿܢ: ܕܠܹܐ ܝܬܘܿܢ ܒܝܼܕܵܥܝܵܐ ܟܬܵܒܹ̈ܐ ܘܠܵܐ ܚܲܝܠܹܗ ܕܐܲܠܵܗܵܐ. 30ܣܵܒܵܒ ܕܒܩܝܵܡܬܵܐ ܠܹܐ ܓܵܒ̣ܪܝܼ: ܐܘܼܦ ܠܹܐ ܦܵܝܫܝܼ ܝܘܼܗَܒܹܐ ܠܓܲܒ̣ܪܹ̈ܐ: ܐܸܠܵܐ ܐܲܝܟܼ ܡܲܠܲܐܟܹ̈ܐ ܕܐܲܠܵܗܵܐ ܝܢܵܐ ܒܫܡܲܝܵܐ. 31ܐܝܼܢܵܐ ܥܲܠ ܩܝܵܡܬܵܐ ܕܡܝܼܬܹ̈ܐ: ܠܵܐ ܩܪܹܐܠܵܘܟ̣ܘܿܢ ܡܸܢܕܝܼ ܕܦܸܫܠܹܗ ܐَܡܝܼܪܵܐ ܐܸܠܵܘܟ̣ܘܿܢ ܡ̣ܢ ܐܲܠܵܗܵܐ: ܒܹܐܡܵܪܵܐ. 32ܐܵܢܵܐ ܝܘܸܢ ܐܲܠܵܗܹܗ ܕܐܲܒ̣ܪܵܗܵܡ: ܐܲܠܵܗܹܗ ܕܐܝܼܣܚܵܩ: ܐܲܠܵܗܹܗ ܕܝܲܥܩܘܿܒ̣: ܐܲܠܵܗܵܐ ܠܹܐ ܝܠܹܗ ܐܲܠܵܗܵܐ ܕܡܝܼܬܹ̈ܐ: ܐܸܠܵܐ ܕܚܵܝܹ̈ܐ. 33ܘܟܲܕ ܫܡܸܥܠܗَܘܿܢ ܟܸܢܫܹ̈ܐ ܦܸܫܠܗَܘܿܢ ܥܘܓ̰ܒܹܐ ܒܝܘܼܠܦܵܢܹܗ. 34ܐܝܼܢܵܐ ܦܪ̈ܝܼܫܹܐ ܟܲܕ ܫܡܸܥܠܗَܘܿܢ ܕܡܘܼܫܬܸܩܠܹܗ ܠܙܲܕܘܼܩܵܝܹ̈ܐ: ܓ̰ܡܸܥܠܗܘܿܢ ܡܸܚܕܵܕܹ̈ܐ. 35ܘܒܘܼܩܸܪܹܗ ܡܸܢܹܗ ܚܲܕَ ܡܸܢܵܝܗܝ: ܫܲܪܥܲܬܟܵܪ: ܟܲܕ ܓ̰ܵܪܘܿܒܹܗ: ܒܹܐܡܵܪܵܐ. 36ܡܲܠܦܵܢܵܐ: ܐܲܝܢܝܼ ܦܘܼܩܕܵܢܵܐ ܓܘܼܪܵܐ ܝܠܹܗ ܒܢܵܡܘܿܣܵܐ. 37ܘܝܼܫܘܿܥ ܐَܡܝܼܪܹܗ ܐܸܠܹܗ: ܡܲܚܸܒܸܬ ܠܡܵܪܝܵܐ ܐܲܠܵܗܘܼܟ ܡ̣ܢ ܟܠܹܗ ܠܸܒܘܼܟ: ܘܡ̣ܢ ܟܠܵܗ̇ ܓܵܢܘܼܟ: ܘܡ̣ܢ ܟܠܹܗ ܚܝܼܵܠܘܼܟܼ. 38ܐܵܗܵܐ ܝܠܹܗ ܦܘܼܩܕܵܢܵܐ ܓܘܼܪܵܐ ܘܩܵܕَܡܵܝܵܐ. 39ܘܕܬܪܹܝ: ܕܟܹܐ ܕܵܡܹܐ ܐܸܠܹܗ: ܡܲܚܸܒܸܬ ܠܫܒ̣ܵܒ̣ܘܼܟ ܐܲܝܟܼ ܓܵܢܘܼܟ. 40ܒܐܲܢܹܐ ܬܪܹܝ ܦܘܼܩܕܵܢܹ̈ܐ ܬܸܠܝܹܐ ܝܢܵܐ ܟܠܹܗ ܢܵܡܘܿܣܵܐ ܘܢܒ̣̈ܝܹܐ. 41ܐܝܼܢܵܐ ܟܲܕ ܓ̰ܡܸܥܝܹܐ ܗ݇ܘܵܘ ܦܪ̈ܝܼܫܹܐ: ܒܘܼܩܪܹܐ ܡܸܢܵܝܗܝ ܝܼܫܘܿܥ ܘܐَܡܝܼܪܹܗ. 42ܡܘܼܕܝܼ ܒܸܚܫܵܒ̣ܵܐ ܝܬܘܿܢ ܥܲܠ ܡܫܝܼܚܵܐ: ܒܪܘܿܢܵܐ ܕܡܵܢܝܼ ܝܠܹܗ: ܐܵܡܪܝܼ ܐܸܠܹܗ: ܒܪܘܿܢܵܐ ܕܕܵܘܝܼܕ. 43ܐܵܡܸܪ ܐܸܠܵܝܗܝ: ܒܲܣ ܕܵܐܟ̣ܝܼ ܕܵܘܝܼܕ ܒܪܘܼܚܵܐ ܒܸܩܪܵܝܘܗܝ ܝܠܹܗ ܡܵܪܝܵܐ: ܟܲܕ ܐܵܡܸܪ. 44ܐَܡܝܼܪܹܗ ܡܵܪܝܵܐ ܠܡܵܪܝܼ: ܝܬܘܿܒ̣ ܠܘܼܟܼ ܡ̣ܢ ܝܲܡܝܼܢܝܼ: ܗܲܠ ܕܡܬܒܸܢ ܕܸܫܡܸܢܘܼܟ ܟܘܼܒ̣ܫܵܐ ܬܚܘܿܬ ܐܲܩܠܘܼ̈ܟ. 45ܐܸܢ ܗܲܕܟ̣ܵܐ ܕܵܘܝܼܕ ܒܸܩܪܵܝܘܼܗܝ ܝܠܹܗ ܡܵܪܝܵܐ: ܕܵܐܟ̣ܝܼ ܒܪܘܿܢܹܗ ܝܠܹܗ. 46ܘܐ݇ܢܵܫܵܐ ܠܵܐ ܡܨܹܐܠܹܗ ܠܓ̰ܵܘܘܼܒܹܗ ܚܲܒܪܵܐ ܘܐ݇ܢܵܫܵܐ ܠܵܐ ܩܘܼܫܕܸܪܹܗ ܐ݇ܚܹܪ݇ܢܵܐ ܡܼܢ ܕܗ̇ܘ ܝܵܘܡܵܐ ܠܒܵܩܘܿܪܹܐ ܡܸܢܹܗ.